मधुमनाने चाखलेले गोड,कडू,तिखट,खारट,तूरट आणि रसाळ अनुभव.....जसेच्या तसे.....अगदी भेसळ मुक्त!!!
वादळांत
Get link
Facebook
Twitter
Pinterest
Email
Other Apps
मोडकळीस आलेले मन आणि हा तुफान वारा उन्हं रखरखीत फार नाही राहिला निवारा गेल्या पावसाळ्यातच झिरपत होत्या भिंती सारवले सारे घर मनवन्या केल्या किती उभे राहिले खंबीर एका नव्या आवेगाने पण क्षणातच सारे स्तब्ध केले वादळाने!!!
तुला सांगितले का कोणी आल्या होत्या त्या दाराशी थेट शिरल्या मनात आणि डोळ्यांत बसल्या किस्से पुराने सांगुनी पोटभरुनी हासल्या घेऊन त्या आल्या संगे ती उन्हं नी पावसाळे जेव्हा उनाड होते वय आणि मन हे बेभान खूप बोलल्या माझ्याशी मज रडवूनी गेल्या तुझ्या स्पर्शाची तहान मनी जागवूनी गेल्या!!!
क्षितिजे विस्तारत गेली कक्षाही रूंदावल्या आम्रतरूचा बहर आला रोपाला इवल्या सरसर हे दिवस गेले वार्यावर होऊन स्वार मूशीतून सोने उपजले मुकाट खाऊन मार कधी मधी बघतात मागे वळून नजरा साठवूनी ठेवती मनी गतकालीन घटना पुन्हा नव्या उमेदीने पंखात येऊन बळ मार्गात उडावया क्षितिजे आणखी फार!!!
Comments
Post a Comment